«Алғыс айту» күні құтты болсын!

      Психологтар отбасындағы кикілжіңді шешуге кірісті.
Бүгін Алматы қалалық сауықтыру орталығында бақытты отбасы және зорлық-зомбылықты талқылаған жиын өтті. Орталық директоры Сапар Рахменшеевтің айтуынша соңғы кездері ерлі-зайыптылар арасындағы дау-дамайды шешу, шаңырақтың шайқалмауы үшін психологтар қала тұрғындарына тегін қызмет көрсетеді.
      Былтыр Алматыда отбасындағы кикілжің ушыққан 2000 –ға тарта шағым түскен. 102 жедел телефонына хабарласып, полиция өкілдерін шақырғанотбасының түйіткілін шешуге, жұбайларды татуластыруға орталықтың психологтары Гүлмира Тұрысқанқызы және Мөлдір Әміртай атсалысыпты. Олар үйінің берекесін қашырып,жұбайын жұдырықтаған 200 агрессорға психологиялық көмек көрсеткен. Алкоголь сусындарын тұтыну, ері мен әйелі арасындағы әңгімелесу, түйіткілді бірлесіп шешуге ықыластың болмауы, бірін-бірінің уәжін тыңдамауы , жұмыссыздық зорлық- зомбылықтың туындауына түрткі болатын ең басты проблемалар дейді психологтар.
Бүгінгі жиынға Бостандық ауданы әкімдігінің Қоғамдық дамыту бөлімінің бас маманы Сәдібек Қ.Р және "AMANAT" партиясының Ботсандық аудандық филиалының кеңесшісі Даулеткан Н.Д. қатысты. Орталық директоры Сапар Рахменшеев отбасының шамшырағы , аяулы ана, сүйікті жар және жұмыста беделді қыз-келіншектерге гүл сыйлап, көктем мерекесімен құттықтады.