Жаңалықтар
- Подробности
- Просмотров: 9370
Қазақстан Республикасы
Үкіметінің
2014 жылғы 20 наурыздағы
№ 253 қаулысымен
бекітілген
«Наркологиялық диспансерден анықтама беру»
мемлекеттік көрсетілетін қызмет стандарты
1. Жалпы ережелер
1. «Наркологиялық диспансерден анықтама беру» мемлекеттік көрсетілетін қызметі (бұдан әрі – мемлекеттік көрсетілетін қызмет).
2. Мемлекеттік көрсетілетін қызмет стандартын Қазақстан Республикасы Денсаулық сақтау министрлігі (бұдан әрі – Министрлік) әзірледі.
3. Мемлекеттік қызметті штат кестесі бойынша нарколог-дәрігер көзделген медициналық ұйымдар (бұдан әрі – көрсетілетін қызметті беруші) көрсетеді.
2. Мемлекеттік қызметті көрсету тәртібі
4. Мемлекеттік қызмет көрсету мерзімі:
1) көрсетілетін қызметті алушы құжаттар топтамасын көрсетілетін қызмет берушіге тапсырған сәттен бастап – 3 (үш) сағат;
2) құжаттар топтамасын тапсыру үшін күтудің рұқсат етілген ең ұзақ уақыты – 20 (жиырма) минуттан аспайды;
3) көрсетілетін қызметтің алушыға қызмет көрсетудің рұқсат етілген ең ұзақ уақыты – 2 (екі) сағаттан аспайды.
5. Көрсетілетін мемлекеттік қызметтің нысаны – қағаз түрінде.
6. Мемлекеттік қызмет көрсетудің нәтижесі – нарколог-дәрігер мен анықтаманы берген медициналық тіркеуші қол қойған және дәрігер мен көрсетілетін қызметті берушінің мөрімен осы мемлекеттік көрсетілетін қызмет стандартына 2-қосымшаға сәйкес мемлекеттік қызмет көрсетуді тіркеу журналында анықтаманы тіркей отырып расталған осы мемлекеттік көрсетілетін қызмет стандартына 1-қосымшаға сәйкес психоневрологиялық диспансердің анықтамасы.
7. Жеке тұлғаларға мемлекеттік қызмет ақылы негізінде көрсетіледі. «Халық денсаулығы және денсаулық сақтау жүйесі туралы» Қазақстан Республикасы Кодексінің 35-бабына сәйкес мемлекеттік қызмет көрсету құнын көрсетілетін қызметті алушы айқындайды және осы мемлекеттік көрсетілетін қызмет стандартының 12-тармағында көрсетілген көрсетілетін қызметті берушінің интернет-ресурсында көрсетілетін қызмет берушінің үй-жайларында орналастырылады. Ақы төлеу қолма-қол ақшамен де, көрсетілетін қызмет берушінің есебіне қолма-қол ақшасыз аудару тәсілімен де жүргізіледі.
8. Көрсетілетін қызметті берушінің жұмыс кестесі – Қазақстан Республикасының еңбек заңнамасына сәйкес демалыс және мереке күндерінен басқа, дүйсенбі – жұма аралығында, үзіліссіз сағат 9.00-ден 17.00-ге дейін.
Құжаттарды қабылдау кезек тәртібімен жүзеге асырылады, алдын ала жазылу және жеделдетілген қызмет көрсету көзделмеген.
9. Көрсетілетін қызметті алушы (не сенімхат бойынша оның өкілі) өтініш берген кезде мемлекеттік қызмет көрсету үшін қажетті құжаттардың тізбесі:
1) жеке басын куәландыратын құжат (он алты жасқа толмаған адамдар үшін – туу туралы куәлік);
2) заңды өкілінің жеке басын куәландыратын құжат (кәмелетке толмағандар үшін);
3) қорғаншының жеке басын куәландыратын және қамқорлықты растайтын құжат (сот әрекетке қабілетсіз деп таныған адамдар үшін);
4) бекітілген халықтың тіркеліміне сәйкес көрсетілетін қызмет берушінің қызмет көрсету ауданына бекітілуінің болуы.
3. Мемлекеттік қызметті көрсету мәселелері бойынша көрсетілетін
қызметті берушінің және (немесе) оның лауазымды адамдарының
шешімдеріне, әрекетіне (әрекетсіздігіне) шағымдану тәртібі
10. Мемлекеттік қызметті көрсету мәселелері бойынша көрсетілетін қызметті берушінің және (немесе) оның лауазымды адамдарының шешімдеріне, әрекетіне (әрекетсіздігіне) шағымдану: шағым осы мемлекеттік көрсетілетін қызмет стандартының 12-тармағында көрсетілген мекенжай не 010000, Астана қаласы, Орынбор көшесі, 8-үй, Министрліктер үйі, № 5 кіреберіс мекенжайы бойынша көрсетілетін қызметті берушінің немесе Министрлік басшысының атына беріледі.
Шағым почта арқылы жазбаша нысанда не көрсететін қызметті берушінің немесе Министрліктің кеңсесі арқылы қолма-қол қабылданады.
Шағымды қабылдаған адамның тегі және аты-жөні, берілген шағымға жауап алу мерзімі мен орны көрсетіле отырып, көрсететін қызметті берушінің, Министрліктің кеңсесінде тіркелуі (мөртаңба, кіріс нөмірі және күні) шағымның қабылданғанын растау болып табылады. Тіркегеннен кейін шағым жауапты орындаушыны айқындау және тиісті шара қабылдау үшін көрсетілетін қызметті берушінің немесе Министрліктің басшысына жіберіледі.
Көрсетілетін қызметті берушінің, Министрліктің мекенжайына келіп түскен көрсетілетін қызметті алушының шағымы тіркелген күнінен бастап бес жұмыс күні ішінде қаралуға жатады. Шағымды қарау нәтижелері туралы дәлелді жауап көрсетілетін қызметті алушыға почта байланысы арқылы жіберіледі не көрсетілетін қызметті берушінің, Министрліктің кеңсесінде қолма-қол беріледі.
Көрсетілген мемлекеттік қызмет нәтижесімен келіспеген жағдайда көрсетілетін қызметті алушы мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгіне алады.
Мемлекеттік қызметтер көрсету сапасын бағалау және бақылау жөніндегі уәкілетті органның мекенжайына келіп түскен көрсетілетін қызметті алушының шағымы тіркелген күнінен бастап он бес жұмыс күні ішінде қаралады.
11. Мемлекеттік көрсетілген қызметтің нәтижелерімен келіспеген жағдайда көрсетілетін қызметті алушының Қазақстан Республикасы заңнамасында белгіленген тәртіппен сотқа жүгінуге құқығы бар.
4. Мемлекеттік, оның ішінде электрондық нысанда қызмет көрсету
ерекшеліктері ескеріле отырып қойылатын өзге де талаптар
12. Мемлекеттік қызмет көрсету орындарының мекенжайлары Министрліктің www.mz.gov.kz, интернет-ресурсында «Мемлекеттік көрсетілетін қызметтер» бөлімінде немесе көрсетілетін қызмет берушінің үй-жайларында орналастырылған.
13. Көрсетілетін қызметті алушының мемлекеттік қызметтер көрсету мәселелері жөніндегі бірыңғай байланыс-орталығының қашықтықтан қол жеткізу режимінде мемлекеттік қызмет көрсету тәртібі мен мәртебесі туралы ақпаратты алуға мүмкіндігі бар.
14. Мемлекеттік қызметтер көрсету мәселелері жөніндегі анықтама қызметтерінің байланыс телефондары Министрліктің www.mz.gov.kz. интернет-ресурсында көрсетілген, мемлекеттік қызметтер көрсету мәселелері жөніндегі бірыңғай байланыс орталығы: 8-800-080-7777, 1414.
«Наркологиялық диспансерден
анықтама беру» мемлекеттік
көрсетілетін қызмет стандартына
1-қосымша
АНЫҚТАМА
СПРАВКА
Берілген күні/дата выдачи 20….. ж./г. «......»............................
1.
Т.А.Ә./Ф.И.О.________________________________________________________
(жеке басын куәландыратын құжаттарға сәйкес)
_____________________________________________________________________
1-1. ЖСН/ИИН __ __ __ __ __ __ __ __ __ __
2. Туған күні/дата рождения: __ күні/число __ айы/месяц __ жылы/год.
3. Мекенжайы/адрес (место постоянного жительства):
____________________________________________________________________
____________________________________________________________________
4. Диспансерлік есепте: тұрады/тұрмайды//На диспансерном учете:
состоит/не состоит (керегінің астын сызу).
Мөрдің орны Анықтама берген дәрігердің Т.А.Ә./____ Қолы/ ________
Место печати Ф.И.О. врача, выдавшего справку Подпись
Күні 20___ жылғы «__» _______________________
Дата «__» ___________________________ 20___г.
«Наркологиялық диспансерден
анықтама беру» мемлекеттік
көрсетілетін қызмет стандартына
2-қосымша
«Наркологиялық диспансерден анықтама беру»
мемлекеттік қызмет көрсетуді тіркеу журналы
20 __ жыл
| Р/с № | Өтініш берген күні | Көрсетілетін қызметті алушының тегі, аты, әкесінің аты | Жынысы | Туған күні | Үйініңмекен жайы | Жұмыс орны | Анықтама № | Анықтаманы берген дәрігердің тегі |
| 1 | 2 | 3 | 4 | 5 | 6 | 7 | 8 | 9 |
- Подробности
- Просмотров: 4563
Міндет, Мақсат және Құндылықтар
ҚДӘСНО міндеті орталықтың көмегіне мұқтаж адамдарды мамандандырылған және жоғары технологиялық медициналық көмекпен қамтамасыз ету, заманауи озық үлгідегі жоғары технологиялық жабдықтарды пайдаланып, әлемдік ғылым мен тәжірибе жетістіктерінің заманауи тәсілдерін қолданып,халыққа сапалы медициналық көмек көрсету.
Біздің мақсатымыз:
Әлемдік стандартқа сай мамандандырылған және жоғары технологиялық сапалы медициналық көмек көрсету;
Міндет пен мақсатты жүзеге асыру үшін біз алдымызға келесі стратегиялық міндеттерді белгіледік:
Қол жетімді мүмкіндіктердің барлығын пайдалана отырып, медициналық қызмет көрсету сапасын үнемі арттырып отыру;
Заманауи медициналық технологияларды қолданысқа енгізу және пайдалану арқылы жоғары технологиялық медициналық көмек көрсетудің сапасы мен қолжетімділігін дамыту;
Жақын және алыс шетелдің жетекші мамандарының қатысуымен шеберлік дәрістерін өткізу арқылы медициналық көмек сапасын жетілдіру;
Материалды – техникалық базамызды үнемі дамытып және нығайту ;
Мамандармен үздіксіз жұмыс жүргізу, мекеме тарапынан жас мамандарға алғашқы тәжірибесін шыңдайтын курстар өткізу;
Жетістіктерімізді одан әрі дамыту.
Біздің құндылықтарымыз:
Әр адамның денсаулығы мен өмірі біздің ең басты байлығымыз;
Көмек сұраған әрбір жан алдында әрқашан жауапкершілігімізді сезінеміз;
Емделушілердің жоғары моральді – этикалық ережелерін сақтауға және ем қабылдау процессін құпияда ұстауға жауаптымыз;
Біздің ең құнды капиталымыз өз қызметкерлеріміз болып табылады;
Жоғары деңгейде медициналық қөмек қөрсететінімізді мақтаныш тұтамыз;
Біз уақыт көшінен қалыспай озық технологиялық жабдықтарды және емдеудің заманауи әдістерін пайдаланамыз;
Біз мекеменің тарихын және дәстүрлерін сақтап қалуға ұмтыламыз.
- Подробности
- Просмотров: 6542
Алматы қаласында Наркологиялық қызмет 1976 жылы құрылып, наркологиялық диспансер ашылды. Осылайша наркологиялық қызмет жалпы психиатриядан өз алдына бөлініп шықты.
1992 жылы қалалық наркологиялық диспансер Қалалық дәрігерлік – әлеуметтік саулық наркологиялық орталығы болып қайта құрылды. Дәл осы қайта құру, жаңа атау - наркологиялық қызметтің орталықтандырылғанын және медицина саласында ғана емес әлеуметтік салада да атқаратын істерінің ауқымын кеңейтіп, нашақорлықтан емделушілерге медициналық және әлеуметтік көмек қөрсету қызметінің міндеттерін айқындап берді.
Қалалық дәрігерлік – әлеуметтік саулық наркологиялық орталығы (ҚДӘСНО) қаланың барлық халқына наркологиялық көмек көрсететін қаладағы жалғыз мамандандырылған медициналық мемлекеттік кәсіпорын. Орталық нашақорлықтың алдын-алу және ерте анықтау мәселелерімен, салауатты өмір салтын насихаттау, науқастарды емдеу, медико – әлеуметтік оңалту іс – шараларын өткізу, алкогольдік және есірткі заттарынан масаю күйін анықтайтын сараптамалар жүргізумен айналысады.
Алкоголизм, нашақорлық және уытқұмарлықтың алдын-алу және науқастарды анықтау мақсатында наркологтар қаланың барлық медициналық мекемелерімен, Қалалық ішкі істер департаментінің нашақорлықпен күрес басқармасымен, білім беру мекемелерімен, мемлекеттік емес ұйымдар және наркологиялық ауруларды сауықтыру мәселелерімен айналысатын діни конфессиялардың өкілдерімен белсенді түрде бірлесіп жұмыс істейді. Барлық БАҚ -пен алкоголизм мен нашақорлықтың алдын-алу мәселелері бойынша әріптестік қарым-қатынас орнатылған.
Орталық наркологиялық көмек көрсету мәселелері жөнінде арнайы дайындығы мықты мамандармен жасақталған. 104 дәрігер, олардың 29-ы жоғары дәрежелі, 13-і бірінші дәрежелі, 2 екінші дәрежелі, 201 мейірбике, олардың 87-сі жоғары дәрежелі, 11 бірінші, 1 екінші дәрежелі, 5 терапевт, 3 невролог, 4 психотерапевт, 8 психолог жұмыс істейді.
Қалалық дәрігерлік-әлеуметтік саулық наркологиялық орталық құрылымында (ҚДӘСНО) жалпы сыйымдылығы 305 төсек орын бар, емханалық бөлімде күніне 200 келіп – кету орны, участкелік наркологтардың кабинеттерімен бірге нашақорлықпен ауыратын науқастарды емдеу және алдын -алу кабинеті, балалар кабинеті жұмыс істейді. Қала тұрғындарына участкелік қағидаларға сүйеніп,емханалық көмек көрсетіледі,сондай-ақ әр ауданға участкелік нарколог-дәрігер бекітілген.
Сонымен қатар ҚДӘСНО құрылымында клиникалық зертхана, токсико – химиялық зертхана, қабылдау бөлімі, ас әзірлейтін бөлім, рентген бөлмелері секілді қосалқы қызметтер де бар.
Мамандандырылған консультативті наркологиялық көмек көрсететін топ қаланың басқа ауруханаларында жатқан науқастарға дер кезінде және сапалы кеңес беріп, ауруханаға жататын науқастарды саралап,іріктеуден өткізеді.
Наркологиялық науқастарды емдеудің ең маңызды кезеңдерінің бірі оларды медициналық, отбасында, мамандығына, жұмыс істеуге бейімдеп, салауатты өмір салтын қалыптастыруға ұмтылуға ықпал ететін медициналық-әлеуметтік оңалту жобасы. Орталықтың оңалту қызметі медициналық-әлеуметтік сауықтыру бөлімдерінде 75 төсек орын, ал мәжбүрлеп емдеу бөлімінде 35 төсек орын ұсынады, ал науқастар дәрі-дәрмекпен емдеу шарасынан кейін психолог және психотерапевтердің жеке курстарынан өтеді. Оңалту курсынан өткеннен кейін есірткіге тәуелді тұлғаларға әлеуметтік көмектер көрсету, жұмысқа орналасу және ұдайы психологиялық қолдау тетіктері енгізіліп келеді. Біздің орталықтың медико – әлеуметтік оңалту бөлімінің негізгі мақсаты — емдеудің үйлесімді жүйесін жасау, нашақорлыққа шалдыққандарды оңалту және науқастарды қайта әлеуметтендіру.
ҚДӘСНО емдеу және оңалту курстарынан өтіп жатқан науқастарға әлеуметтік көмек көрсету, олардың құжаттары мен жеке куәліктерін қайта жасау және жұмысқа орналастыру мәселелеріне көмектесу мақсатында Аудандық әділет органдары мен Жұмыспен қамту орталықтарымен әріптестік байланыс біріздендірілген. ҚДӘСНО тарапынан өтініш хат және қажетті қағаздар беріліп, науқастардың құжаттары, жеке куәлігі рәсімделіп, жұмыспен қамтамасыз ету , қажетті жағдайда кәсіпке дайындау шаралары жүргізіледі.
Наркологиялық ауруларды емдеу ерікті түрде жүзеге асырылады және 1995 ж. сәуір айынан бастап ҚР Президентінің 07.04.1995 ж. шыққан № 2184 Жарлығына сәйкес соттың шешімі бойынша мәжбүрлеу тәртібімен емдейді, ол үшін арнайы күзетілетін бөлімдер бар.
ҚР Президентінің «Құқық қорғау органдарының қызметі және Қазақстан Республикасының сот жүйесінің тиімділігін арттыру шаралары туралы», 2010 жылдың 10- тамызындағы № 1039 Жарлығының 3- тармағына сәйкес, алкогольді сусын тұтынып, масайған тұлғаны уақытша бейімдеу және уытсыздандыру шаралары бұрын ІІМ медициналық айықтыру орындарында жүргізілсе, 2010 жылдың желтоқсан айынан бастап ҚДӘСНО-ның уақытша бейімдеу және уытсыздандыру бөлімінде 30 төсек орын ұйымдастырылып, дәрігер – наркологтер орта дәрежеде масайған азаматтарға тәулік бойы көмек көрсетеді.
ҚДӘСНО қажетті барлық медициналық жабдықтар және аспаптармен жабдықталған, сонымен қатар Алматы қаласы Денсаулық сақтау басқармасы бекіткен дәрі – дәрмектерменжәне шығыстар сметасымен қамтамасыз етілген.
Павлодар қаласындағы нашақорлықтың медико – әлеуметтік мәселелері жөніндегі ғылыми - тәжірбиелік орталығы әзірлеген психотерапевтік оңалту әдістері игерілген және нашақорлықпен ауыратын науқастарды емдеу кезінде пайдаланады. .
ҚДӘСНО Қазақ Мемлекеттік медициналық Университетінің психиатрия және наркология, Алматы қаласындағы дәрігерлер білімін жетілдіру университеті кафедраларының клиникалық базалары болып табылады. Орталықтың бөлімдерінде заманауи дәрі – дәрмектер апробоциясы және наркологиялық ауруларды емдеудің жаңа әдістері жүргізіледі. Профессор, медицина ғылымдарының докторлары науқастарға кеңес беріп отырады.
Алматы қалалық наркологиялық қызмет алдында нашақорлықтың алдын -алу, нашақорлықтың азабын тартқан науқастарды емдеу және оңалту әдістерін жетілдіру, наркологиялық қызмет көрсету сапасын арттыру, қала халқының салауатты өмір сүруін қалыптастыру сияқты көптеген міндеттер тұр.
- Подробности
- Просмотров: 4178
Хабарландыру
ДИРЕКТОРА БЛОГЫ
Рахменшеев Сапар
Бүгін 77
Кеше 74
Апта бойы 151
Ай 876
Барлық уақытта 3407042
