Подробности

Просмотров: 726

        Статистика: Өз-өзіне қол салғандар мен жүйкесі сыр бергендер Елімізде өз-өзіне қол салатындардың көбі дәрі ішіп өледі. Психикалық сауықтыру күнін атап өтуге жиылған дәрігерлер осылай деп мәлімдеді. Биыл бір ғана Алматыда өмірін қимақ болғандарға қатысты 733 оқиға тіркелген. Ал жүйкесі сыр бергендердің саны 10 мыңнан асып жығылады. Алайда ресми тіркелмеген науқастар әлдеқайда көп болуы мүмкін. Автор: Салтанат Шырынхан 10.10.2019 Орал: Үйі бар да, жолы жоқ ықшамаудан – Сарыарқа Алматыда бас қосқан есепшілер не мәселе көтерді? Жат туыстар: Нотариусты кім өлтірді?     Психикалық ауытқуы бар адамдар арнайы орталықтарға барып дәрігерге қаралуға қымсынады екен. Әсіресе, алып шаһарда шизофрения диагнозымен орталыққа жатқызылатындар еселенген. Ақыл-есінде ауытқушылық байқалатындардың 75 пайызы аталмыш тұқым қуалайтын дертке шалдыққан. Бүгінде балалар арасында да бұл дерт өршіп тұр. Ақ халаттылардың айтуынша, күйзелістің салдары, әлеуметтік жағдайдың төмендеуі, жұмыссыздық, сары уайымға салыну адамды ақыл-есінен адасуға әкелуі мүмкін. Дәрігерлер жүйкесі жұқарып ауруы асқынғандар тек дәрінің күшімен ғана өмір сүретінін жеткізді.  Сапар Рахменшеев, Алматы қалалық психикалық сауықтыру орталығының директоры: - Кез келген аурудың емі бар. Егер ауру созылмалы болса, оның өршу кезеңін болдырмауға дәрі-дәрмек қабылдаса, өршу кезеңі болмайды. Кез келген ауруды емдеуге болады.

ktk.kz сайтының материалдарын пайдалану Материалды мәтіннің бірінші немесе екінші сөйлемінде негізгі мәтін ретінде бір шрифтпен орналастырылуы тиіс материалға тікелей гиперсілтеме болған кезде рұқсат етіледі.

https://www.ktk.kz/kz/news/video/2019/10/10/131558/

Подробности

Просмотров: 635

Бүгін Алматы қалалық Психикалық сауықтыру орталығы «Халықаралық қарттар күні» қарсаңында баспасөз маслихатын өткізді.
Жиында мамандар қартайған шақта әбігерге салатын деменция және Альцгеймер аурулары жайлы мәселелерді талқылады.
Биыл Алматы қалалық Психикалық сауықтыру орталығында геронтология бөлімі ашылып, 5 айда 90-ға жуық қала тұрғыны емделді. Кәрілік жеткенде немесе ерте қартайғанда мазалайтын Альцгеймер кеселімен күресу , аурудың алғашқы белгілері, оның алдын-алу мақсатында атқарылып жатқан іс-шаралар жайында орталық директоры Сапар Рахменшеев ойын бөлісті.
-Қазіргі таңда қарттар арасында ақыл-есінің төмендеуі, яғни Альцгеймер ауруы белең алып келе жатыр. Бұл өте өкінішті жағдай. Орталықта емделушілердің дертінің асқынуына жол бермеу үшін барлық медициналық, психологиялық көмек көрсетіледі. Ең бастысы біздің аурухананың атынан ел үркеді. Қорқудыңда керегі жоқ. Біздің мақсатымыз науқастарымызды дертінен айықтырып, еңбекке баулып, қоғамға бейімдеу. Олардың өмірге деген құлшынысын ояту. Тұрғындарға біздің есігіміз әрқашан ашық ," - дейді Алматы қалалық Психикалық сауықтыру орталығының директоры Сапар Рахменшеев.
Әлем ғалымдары 2050 жылдары 60 жастан асқан адамдар саны 12 % -дан 22 % - ға дейін артады деп болжайды. Қазіргі таңда Қазақстанда 165 мың тұрғын деменциямен ауырады. Көбінесе медициналық көмекке мұқтаж қариялар дәрігерлердің көмегіне жүгінуге ұялады немесе кеселін жасырады. Өкінішке қарай келесі жылы деменция шеңгеліне 390 мың тұрғын шырмалады деп мамандар дабыл қағып жатыр.
Сондықтан дерттің алғашқы белгілері пайда болған кезде медициналық көмекке жүгіну керек. Орталық басшысы БАҚ өкілдеріне науқастар серуендеп, тынығатын қысқы бақты көрсетті. Сонымен бірге Сапар Рахменшеев емделушілерді көпшілікпен етене араласуға икемдейтін еңбек терапиясының ақыл-есі кем жандар үшін пайдасын атап өтті.
Тігін цехы мен баспаханада жұмыс қызған. Емделушілердің қолымен жасалған медициналық киімдер, кеңсе заттары, конверттерге сұраныс артып келеді. Себебі сапасы зор. Орталықта Альцгеймерді ,деменцияны ауыздықтау үшін атқарылған жұмыс ұшан-теңіз .

Алматы қалалық Психикалық сауықтыру орталығының баспасөз қызметі.

Подробности

Просмотров: 1095

 Алматыда 1303 сенім телефоны іске қосылды . Осы телефонға хабарласқан тұрғындарға Қалалық Психикалық сауықтыру орталығының тәжірибелі мамандары жедел психологиялық көмек көрсетеді. Сенім телефоны тәулік бойы жұмыс істейді және қызметі тегін. Әрі психологиялық көмек сұраған азаматтар жайлы барлық мәлімет құпия сақталады. Ескеретін тағы бір жәйт , 3103 қалалық байланыс номері. 
4 жылдан бері шаһар жұртшылығына, қонақтарға тұрмыс тауқыметінен , әлеуметтік түйіткілдерден қажыған және күйзелістен арылудың жолын іздегендерге Психикалық сауықтыру орталығының 8727-376-56-60, 87089832863 сенім телефондары үздіксіз психологиялық көмек көрсетіп келеді. 
Былтыр 1000 астам ,биыл 1800 –ге жуық тұрғын сенім телефоны арқылы түйіткілін айтып, шерін тарқатқан. Ал айына 260 адам қоңырау шалған. 
Көбінесе әлеуметтік проблемалар, ерлі-зайыптылардың кикілжіңі , отбасындағы түйіткілдерді шешуге , ене мен келін арасындағы ұрыс-керістің тігісін тарқатуға, ата-анасының қамқорлығына мұқтаж жасөспірімдер, суицид алдында күйзеліске психологтардан араша сұрап, көмегіне жүгінген. 
Алып қаланың Психикалық сауықтыру орталығының сенім телефондары жан дертіне дауа іздегендерге әрқашан көмектеседі.

Подробности

Просмотров: 584

          Нашақорлыққа тәуелді қыз –келіншектердің фотокөрмесі өтті.

28 маусымда Алматы қалалық Психологиялық сауықтыру орталығында «Қызғылт сары таң» деп аталатын фотокөрме өтті. Көрмеге есірткіге тәуелді әйелдердің суреттері қойылған.  Олар отбасынан айырылған, түрмеде жазасын өтеген және туысқандары теріс айналып, есірткісіз өмір сүре алмайтын , тәуелділік тағдырын талқандаған жандар.

      Фотокөрмеге сурет кейіпкерлері декелді. Жұртшылыққа проблемаларын әңгімеледі және бет-жүзін ешкімнен жасырған жоқ.

Көрмеге қатысушылар нашақорлықтың зардабы ,  гендерлік теңсіздікті жою, медициналық, әлеуметтік ,құқықтық қызметтерге қаражат бөлу  қажеттігін айтады. Сондай-ақ қыз-келіншектер қоғамдаопиоидтік алмастыру жобасына шектеуқою туралы пікірлерді құптамайтынын және   өздерінің наразылықтарын қызғылт сары түс арқылы паш етуге бел буыпты.

-         Мен 22 жыл нашақор ретінде есепте тұрамын. Оның 15 жарым жыл түрмеде жазамды өтедім. Бастапқыда ұрлықпен ұсталдым, кейін есірткі сатып, бас бостандығымнан айырылдым.  2 жылдан бері есірткіні алмастырушы препаратты қабылдаймын.  Екінші күйеуіммен осы бағдарламаға қатысып, тұрмысымыз оңалды,өмірім өзгерді.  Жұмысқа орналастық. Есірткіні бұрынғыдай іздемеймін, қоғамның біз туралы  пікірінің өзгергенін қалаймын,  -дейді Алматы тұрғыны Маржан Жүнісова.

Алматы қалалық психологиялық сауықтыру орталығының директоры Сапар Рахменшеевтің айтуынша опиоидтік алмастыру емдеу жобасына  ЖИТС инфекциясын жұқтырған , оған тәуелділіктен бірнеше жыл бойы айықпаған нашақорларды комиссия мүшелері іріктейтінін айтады. Екі жыл бойы бағдарламаның көмегімен  жұмысқа орналасқан, қоғамдық іс-шараларға  атсалысып, отбасына оралған науқастар бар.

-            Соңғы кездері метадон терапиясымен емделушілер  саны артып келеді. Қазір бұйрыққа сәйкес ЖИТС дертіне шалдыққандар ғана емес бірнеше рет  есірткіден бас тартуға тырысып, талай жыл емделіп, шипа қонбаған емделушілердің ұсынысын қабылдап жатырмыз. Комиссия талап-ережеге сәйкес үміткерлерді іріктеп, әрі қарай емдейміз, -дейді Орталықтың директоры Сапар Рахменшеев.

             Метадон терапиясы есірткіге тәуелділіктен емдеудің бір әдісі. Мамандардың айтуынша эйфория туғызбайды және есірткіге деген құмарлықтан құтылады. Адамның есірткі заттарына деген психологиялық тәуелділігін жоюға ықпал етеді.

            Бүгінгі фото көрмеге «Жазалаудың орнына бірге қолдайық» атты халықаралық компанияның белсенділері ,  Республикалық психикалық сауықтыру ғылыми-практикалық орталығы , «Реванш», «Қазақстандағы ЖИТС –пен өмір сүретін әйелдер» қоғамдық қорларының өкілдері қатысты.  

           Ұйымдастырушылар метадон терапиясы ЖИТС індетіне тосқауыл болатын бірден-бір амал деп есептейді.