Подробности

Просмотров: 1024

-Мейірбике - біздің саладағы ең қайырымды мамандық. Бүгінгі таңда Қазақстанда 170 мыңнан астам, Алматыда 11 мың орта медицина қызметкері еңбек етеді. Мамандарды даярлауменқалада 10 медициналық колледж айналысады. Оның біреуі мемлекеттік. Алғашқы медициналық санитарлық көмекті дамыту аясында пациенттерді бақылаудың кейбір қызметтері : созылмалы ауруларды басқару, науқастарға үйінде ем-дом көрсету кезең –кезеңімен жалпы тәжірибелік арнайы даярлықта шыңдалған мейірбикелерге беріледі,-деді Алматы қалалық Денсаулық сақтау басқармасының жетекшісі Серікбол Мусинов.

Бүгінмейірбике күніне арналған салтанатты жиында Алматы қаласы әкімінің орынбасары Мұрат Дәрібаев, Қалалық Денсаулық сақтау басқармасының жетекшісі Серікбол Мусинов медицина қызметкерлерін кәсіби мерекесімен құттықтады. Денсаулық сақтау саласына ерекше үлес қосқан ,өз ісіне адал,еңбегі еленген, еңбекқорлығымен ерекшеленген білікті мейірбикелер «Құрмет грамотасымен», қала әкімінің «Алғыс хатымен» марапатталды. Қалалық наркологиялық медико-әлеуметтік түзету орталығының аға мейірбикесі Ризвангүл Тұрдиева Алматы қаласы әкімінің «Алғыс хатын» алды. Сондай-ақ Қаламқаш Далабаева, Рушангүл Ниязова Денсаулық сақтау ісіне қосқаны үшін, ал Қапия Абажанова Денсаулық сақтау саласының үздігі төс белгісін тақты.

       Кәсіби мереке қарсаңында алматылық мейірбикелер, фельдшерлер, акушерлер әріптестерінің құрмет-қошеметіне бөленді. Жиын соңы әуезді әнмен әрленіп, биге ұласты.

Подробности

Просмотров: 880

24.04.18ж . Дәрігер нарколог Кенесбекова С.К. №185 жалпы білім беретін орта мектептің оқушылар арасында "Біз салауатты өмір салтын қолдаймыз. Психикалық белсенді заттарды қолданудың алдын алу" тақырыбында дәріс өткізді, бейнефильмдер көрсетілді, пікір-талас жүргізілді. Кездесудің мақсаты жастарты СӨС сақтауға баулу, ПБЗ қолданудың денсаулыққа әсерін, салдарын түсіндіру. Нашақорлыққа апаратын себебтерді айқындау және де алдын алу. Кездесуге 100 оқушы қатысты.

Подробности

Просмотров: 754

23 сәуірде Алматы қаласының наркологиялық медициналық-әлеуметтік түзету орталығына АҚШ Мемлекеттік департаментінің Халықаралық есірткіге қарсы күрес және құқық қорғау мәселелері бойынша бюросының есірткі сұранысын төмендету мәселелері жөніндегі офицері Эндрю Томпсон келді.  Орталықтың бас дәрігері Гүлсара Сүйлеуменова қала халқына наркологиялық көмек көрсету және оны жақсарту, жастар және жасөспірімдер арасында профилактикалық жұмыстарды жетілдіру, ПБЗ-ға тәуелді пациенттер үшін стационарлық көмек көрсету және оңалту жұмыстарын баяндап берді. Кездесуде  2015 жылы UTC бағдарламасымен ұсынылған Кейс-менеджменті ,мәжбүрлі түрде ем қабылдайтын пациенттерді ертіп жүру, адвокациялау, оқыту және жұмыспен қамтамасыз ету мәселелерімен айналысатын психологтар мен әлеуметтік қызметкерлердің бірлесе атқаратын жұмыстары талқыланды.

Нарколог-дәрігер А.Т.Сүлейменова мен психолог А.Н.Артықова бірлесіп, ПБЗ-ға тәуелділік саласындағы мамандар үшін UTC бағдарламасы бойынша 2014-2017 жылдары ҚНМӘТО базасында өткізілген тренингтердің материалдарын ұсынды.

Алматы қаласы бойынша наркологиялық қызметті жетілдіруге арналған жаңа әдістерді енгізу жоспарлары айтылды.

Кездесуге  АҚШ елшілігінің Халықаралық есірткіге қарсы күрес және құқық қорғау мәселелері кеңсесінің «Есірткі сұранысын төмендету» бағдарламасы бойынша менеджері Сәуле Тілеусаринова мен ШЖҚ «Республикалық психикалық денсаулық ғылыми-практикалық орталығы» РМК бас дәрігерінің орынбасары Б.Ж.Нұралиев қатысты

Подробности

Просмотров: 950

Құрметті ата-аналар!

Қазіргі кезде жас ұрпақ арасында нашақорлық пен уытқұмарлық мәселесі күннен-күнге өршіп келе жатқандығына Сіздердің назарларыңызды аударғымыз келеді. 

Өз балаңызды жағымды әдеттерден сақтағыңыз келе ме? Онда біздің беретін бірер кеңесімізді оқыңыз:

Себептердің бірі – қызығушылық, өзіне беймәлім әсер алғысы келу болса, екіншісі – белгілі бір топқа қосылу. «Ұмыту» және өмірден рахат алу сезімі жасөспірімді нашақорлыққа жиі итермелейді. Ата-аналар көбіне баласының есірткі және уытты заттарды пайдаланатындығын кенеттен және кеш байқайды, дегенмен баланың мінез-құлқындағы өзгерістерді ертерек байқауға әбден болады. Жасөспірім тұйықталып, ата-анасынан өзін аулақ ұстауға тырысады. Телефонмен құпия әңгімелер айта бастайды. Оқуға бәсеңдеп, ашуланшақ бола бастайды. Мінез-құлқы тез өзгереді. Көңілсіз, енжар және интеллектуалдық дамуы тежеледі. Киімінің қалталарынан банкалар, шприцтер, инелер, таблеткалар табылады. Жасөспірімнің қаржы шығыны көбейіп, үйден заттар жоғала бастайды.

Сіздің осылардан сақтанғаныңыз жөн!!!!

Сіз ПБЗ қабылдайтын баланың мінез – құлқындағы пайда болатын өзгерістермен таныса аласыз:

Белгілері:

- баяу реакция, ұйқышылдық, түсініксіз сөйлеу, селқостық, еңбекке деген ынтасының төмендеуі немесе шамадан тыс белсенділік таныту, координацияның нашарлауы, ашушаңдық, көз жанарының үлкеюі немесе керісінше кішіреюі, тәбетінің артуы, елестер көре бастауы, өзіне көңілі толып, жеңілместей сезінуі.

Сыртқы белгілері:

- темекі иісі(түтіні), қалталарында сіріңке, тұтатқыш, шылым ұнтағының, желім құтыларының, папирос қағазының,ақ кристалл ұнтақтың, шыны ыдыстарда немесе полиэтилен пакеттерде кішірек тас тәріздес үзімдердің болуы, тері асты инъекциясына арналған шприцтер мен инелердің, күйдірілген бөтелке қақпағы немесе күйдірілген қасықтың, шырақтың, ұстара жүзінің болуы, саусақтарының сарғаюы, мас адамның кейпі, көздерінің астындағы қызарған ісіктер, жанған жапырақтардың қатты иісі, киім қыртыстары мен қалта тігістерінде ұсақ дәндердің болуы, саусақ терісінің түссізденуі сақтануды қажет етеді.

Асығыс шешім қабылдамай тұрып, алдымен мамандармен (наркологпен, психотерапевтпен, психологпен) бірлесе отырып, профилактикалық іс-шаралар жүргізген дұрыс.

Қалалық наркологиялық медициналық-әлеуметтік түзету орталығының сенім телефоны
382-34-19

Наркологтың, психотерапевтің, психологтың консультациясын Сіз Мақатаев көшесі, 10-үй , 1-қабаттағы емханалық бөлімшенің №2, 10,11-  кабинеттерінен ала аласыз.