Подробности

Просмотров: 369

Бүгін Алматы қаласының психикалық денсаулық орталығының қызметкерлері ем іздеп келген тұрғындар мен қонақтарға Алматының алқызыл алмасын үлестіріп, 20 шақты маман би билеп, флешмоб ұйымдастырды. Дүниежүзілік денсаулық күні алматылықтарға ем-дом, психологиялық көмекпен бірге керемет көңіл-күй сыйлаған психологтар, психиатрлар тұрғындарды салауатты өмір салтын ұстауға шақырады.

-Қазір мектеп, институт, университеттердің маңындағы дүкендерге барыңызшы. Жасөпірімдер энергетикалық сусын ішіп, бутерброд, сэндвич жейді. Қолында смартфон. Үйде, түзде телефонға телмірген бала да, қария да неше түрлі негативті ақпараттардың шырмауында. Мұның зиян екенін айтпаса да бәріміз бір кісідей білеміз. Дене шынықтырып, жеміс, көкіністі тұтыну, оның пайдасын айту біздің парызымыз. Әрі күлімдеп жүріңіз. Біз флешмоб арқылы денсаулықтың бірінші байлық екенін және оны нығайту әр адамның қолында екенін айтқымыз келді,- дейді орталық директоры Сапар Рахменшеев .

Бүгін Дүниежүзілік денсаулық күні әлемнің бірнеше елінде денсаулықты нығайтуды көздеген түрлі шаралар өтіп жатыр. Ашық есік күні, челлендж, флешмоб , спорттық жарыстар ұйымдастыру жоспарланған. Бүгін Дүниежүзілік денсаулық сақтау ұйымының құрылғанына 75 жыл . Халықаралық ұйым ғасырға жуық уақыт халық денсаулығын нығайту, медициналық көмектің сапасын жақсарту және әрбір адамның жер шарының кез-келген жерінде ем-дом алуға септігін тигізген талай игі шараларды жүзеге асырып келеді.
Алматылық психологтар таңды күліп қарсы алып, дене шынықтыруды әдетке айналдыруға шақырады

Подробности

Просмотров: 370

ылтыр динамикалық бақылауда 10 661 адам болса, биыл көрсеткіш 20 пайызға көбейіпті

Almaty.tv

Құмар ойын ойнап, қарызға батқандар, өмірден түңіліп, ішімдік пен есірткіге салынғандар. Елімізде психологиялық дертке шалдыққан осындай науқас саны көбейіп барады. Бұл туралы Алматы қалалық психикалық денсаулық орталығының қызметкерлері мәлімдеп отыр, деп Almaty.tv хабарлайды

 

Соңғы бір жылда орталықтың сенім телефонына әр өңірден күйзеліске ұшыраған 6 мыңға жуық адам хабарласса, биыл соңғы 3 айда бұл көрсеткіш 2 мыңға жуықтапты.

44 жастағы Алматы тұрғыны өмір бойы саудамен айналысып, күн көріп келген. Алайда пандемия кезінде қиындыққа тап болып, жүрек талмасына ұшырапты. Кәсібінің тоқтап қалғандықтан қатты күйзеліске түскенін айтады.  

«Алдында мықты әйел болғанмын. Жүгіріп, жұмысымды істеп жүретінмін. Несие алдым, проблема көбейіп кетті. Үндемей, ішімнен тынып жүре бергенмін. Сол бірден ештеңе керек емес, ешкіммен сөйлескім келмеді. Көктемде келген себебім – қысқа қарағанда қиындау болып көрінді», – деді науқас.

Қазір науқас Алматы қалалық психикалық денсаулық орталығында ем қабылдап жатыр. Дәрігерлер бірден мазасыздық пен депрессия диагнозын қойып, ем тағайындаған.

«Түнде ұйқысыздық мазалап жүрді. Сосын қорқыныш болды. Неден екенін өзім ұқпаймын. Бұл жерге келуге де қорқып, шешім қабылдай алмай жүрдім. Дәрігерлерім осы жерге барыңыз деп, кеңес берді. Келдім. Өте қуаныштымын. Дәрігерім айтқан сәтте келмегеніме өкінемін», – деді науқас.

Қазір бұл орталықта 11 283 науқас ем алып жатыр. Былтыр динамикалық бақылауда 10 661 адам болса, биыл көрсеткіш 20 пайызға көбейіпті. Бұдан бөлек, бұрын-соңды психикалық дертпен ауырмаған, алайда құмар ойыннан ұтылып, қарызға батқандар, ішімдік пен есірткіге тәуелді азаматтар, өз-өзіне қол жұмсауға бел буғандар сенім телефонына хабарласып, дамыл бермейтін көрінеді. Ең сорақысы, күйзеліс жағдайында асығыс шешім қабылдап, кейін ісіне өкінген азаматтар да мұңын шағады екен.

«Ер баласы. Бірақ жастықпен 12 жыл бұрын жыныс мүшесін өзгерткен.  Енді қазір өкінеді. Қайтадан ер адам болғысы келеді, қайтадан семьялы болып, бала-шағамның әкесі болсам деген арманы бар. Сондықтан біз телефон арқылы жұмыс жасаймыз», – деді Психикалық сауықтыру орталығының психологы Сәуле Ибашова.

Мамандар «адамдардың жиі күйзеліс пен психикалық дертке – отбасылық жанжал, ата-ана мен перзент арасындағы түсініспеушілік, әлеуметтік жағдай мен қоғамда болып жатқан құбылыс, жұмыстағы кикілжің және көктем-күз мезгілдерінің келуі себеп болуы мүмкін» дейді. Алайда дер кезінде көрсетілген дәрігер көмегі аурудың алдын алуға көмектеседі екен.

«Көктемде қыс мезгіліне қарағанда күннің уақыты ұзарады, түн қысқарады. Бұның өзі де адамның ішіндегі құбылыстарға өзгертеді. Яғни, гормональді өзгерістер болады. Сол гормональді өзгерістер әртүрлі асқынуға алып келуі мүмкін. Соның ішінде психикалық аурулары бар адамдарды да осындай өршу құбылыстары болуы мүмкін», – деді Психикалық сауықтыру орталығының директоры Сапар Рахменшеев.

Айта кетейік, науқастар ай сайын мамандар бақылауынан өтеді. Тиісті дәрілерді қабылдап, қажет терапиялар тағайындалады.    

Өмірлік қиын жағдайға душар болып, тығырықтан шығудың жолын іздеген, күйзеліске түскен жандарға орталықта тек психологиялық көмек көрсетіліп қана қоймай, осындай арнайы қысқы саябақ жасалған. Бұл жерде пациенттер еркін демалып, бос уақытын тиімді пайдалануына мүмкіндік берілген. Сондай-ақ өсіп тұрған жасыл желектерді баптап, күте алады. Бұл – психологиялық қолдауды қажет ететін адамдарды емдеуге арналған ерекше әдіс.

Аяулым Көлжігіт, Сағынғали Мұңайтпасов, «Алматы» телеарнасы

Подробности

Просмотров: 202

Подробности

Просмотров: 158

Психикалық сауықтыру орталығының ақылы қызмет көрсету бөлімі халыққа мынадай қызметтер түрлерін көрсетеді:

073/у нысанды анықтама – жүргізуші куәлігін алу үшін;

076/у нысанды анықтама- лицензиялық-рұқсат беру жүйесіне қаруға рұқсат алу үшін;

075/у нысанды анықтама- оқуға түсуге және жұмысқа орналасу үшін;

028/у нысанды анықтама- көш-қон қызметіне ұсыну үшін.

Есірткіні анықтауға зәр тапсырғаннан соң дәрігер-психиатрдың және наркологтың кабинетінде куәландыру міндетті, сондықтан есепте тұрмайтын туралы eGov-тан анықтама қажет емес.

Қызмет көрсету сапасын жақсарту мақсатында, анықтамаларды беру «Бірыңғай терезе» форматында, басқа медициналық ұйымдарға бармай-ақ бір жерде жүргізіледі.

Медициналық комиссия өту окулисті, ЛОР-дәрігерді, өкпенің рентгенографиясы және профпатологтың қорытындысын қосып есептегенде 30 минутқа таяу уақыт болады, толық анықтама бірден беріледі.

Сондай-ақ біздер мынадай медициналық қызметтер көрсетеміз:

Компьютермен өңделген электроэнцефалография және невропатологтың кеңесі;       Өкпенің компьютерлік томографиясы және рентгенграфиясы;

Әскер кафедраға түсушілер үшін есірткіні анықтау үшін зәрді зерттеу;

   Азаматтардың жеке жүгінуі бойынша талап ету орнына психиатриялық куәландыру;

Біздің Орталығымыздың бұл қызмет түрлеріне қажетті барлық лицензиялары бар. Анықтамалар қатаң нормативті-құқықтық актілерге сәйкес беріледі.   Рәсімделген барлық құжаттар мөрмен куәландырылып және электронды базада тіркеледі. Бұл олардың шынайылығына және жоғалған жағдайда қалпына келтіру мүмкіндігіне кепілдік береді.                                           

 Сіздер бағалар Прейскурантымен біздің мына сайтымыздан таныса аласыздар: www.cpzalmaty.kz  байланыс телефоны - 382-36-81  -376-54-40