Жаңалықтар

Подробности: Просмотров: 266

12.10.2022Редакция

Алматыда психикалық денсаулық орталығының сенім телефонына 4 мыңнан астам қоңырау түскен.

Алматы қалалық психикалық денсаулық орталығының сенім телефонына биыл он айда 4 мыңнан астам тұрғын хабарласып, психологиялық түйіткілін айтып, кеңес сұраған. Орталық директоры Сапар Рахменшеевтің айтуынша ойынқұмарлар, онлайн несие алып қарызға батқандар да шерін тарқатып, телефондарға дамыл бермейтін болған.

Биыл әлеуметтік мәселелерін айтып, 500-ден астам адам қоңырау шалыпты. Олар құмар ойындарға құнығып, ақшасынан айырылғандар, достарына, кредиторларға онлайн несие беретін ұйымдарға қарызы қордаланып, отбасындағы кикілжіңнен қажып, болашаққа сенімсіздік, көңіл-күйінің күрт құбылуы, қаржылық мәселесін шешудің жолдарын сұраған.

Екінші орында денсаулығына шипа іздеген 384 кісі медициналық мекемелер, емханалар , порталды рәсімдеу бойынша сұрақтар қойған. Бұдан кейін тізімде мазасыз күйге шырмалып, дегбірін қашырып, түнде ұйқысынан айырылған 350 тұрғын психологиялық кеңес алған. Көп жағдайда жалғыздық , жұмыстан айырылу, сөйлесетін, сырласатын адамы жоқ жандар жұрт ұйқыда жатқанда хабарласып, шерін тарқатады екен.

Түрлі компьютерлік ойындарға тапқан-таянғанын тігіп, опық жегендердің көбеюі қазіргі заманның өзекті проблемасы. Олар өзінің ісіне, әрекетіне есеп бере алмайды. Бүгін жолым болады, ұтыс аламын деген үмітпен ойын клубтарына қалай барып, қалтасын қағып шыққанын өзі білмейді. Көмек сұраған азаматтар біздің орталыққа келуге ұялады. Соған қарамастан жеке сөйлесіп, әр адам жайлы ақпаратты құпия сақтап, біз оларға жан-жақты кеңес береміз. Ал онлайн несие алуға құмар адамдардың мәселесіне көз жұмуға болмайды. Бұл несиелердің жарнамасы мықты. Әрі талап қатал емес. Бір нүктені басып ақша алып, соған өзінің қалай тәуелді болып қалғанын кейбіреулер байқамайды. Мұның бір ғана жолы психологтарға келіп, осы құмарлық, тәуелділік, құнығып кетуден арылуға әрекет ету керек, — орталықтың директоры Сапар Рахменшеев.

Орталықтың сенім телефондарына еліміздің түкпір-түкпірінен күн сайын 30-ға жуық тұрғын хабарласады. Мұңын айтып, тығырықтан шығатын жол іздеген жандарға төрт клиникалық психолог тәулік бойы кеңес береді. Сәуле Ибашеваның айтуынша құмар ойындардың құрығына жіпсіз байланған жігіттердің басым бөлігі бойдақ, жасы 25-35 жастағы еңбекке етуге қабілетті, тепсе темір үзетін жігіттер.
— Олар көбінесе түнде қоңырау шалады. Түркістан облысы, Ақтау, Атырау және Көкшетаудан жиі хабарласады. Шағын аудан, кішкентай ауылда тұрады. Көршілері, ауылдастарым ойынқұмар екенімді біліп қоймасын деп көпшіліктен жасырып жүргенін айтады. Оларда болашаққа сенімсіздік, күйзелістен шаршаған. Өкінішке қарай бізге хабарласқан тұрғындардың көбісі ауыртпалықты жалғыз көтеріп жүрген адамдар. Біз оларға қандай маманға бару керектігін айтып, жол көрсетеміз, — Сәуле Ибашева.

Биыл өз-өзіне қол жұмсаймын деп сенім телефонына екі жүзден астам адам қоңырау шалған. Психологтар олардың бірнешеуін райынан қайтарған. Бұдан өзге есірткі заттарын, алкоголь тұтынып, үйдің берекесін қашырған қалалықтар да жиі хабарласады екен. Алматы қалалық психикалық денсаулық орталығында сенім телефондары 2015 жылы іске қосылды. Ақтау, Қарағанды, Көкшетау, Тараз, Астана, Атырау, Қызылорда және Түркістан облысы тұрғындарына да қызмет көрсетеді.

Алматы қалалық психикалық денсаулық орталығының баспасөз қызметі

Алматы қалалық психикалық денсаулық орталығының сенім телефондары: 87089832863, 3765660, 1303

Подробности: Просмотров: 223

WhatsApp Image 2022-10-11 at 19.33.48 (1).jpeg

Бүгін Алматы қалалық психикалық денсаулық орталығының кәсіби мамандары “Aq jol” жастар денсаулығы орталығында психологтармен кездесуге қатысты.

Алматы қаласының жастар денсаулық орталықтарын дамыту бойынша үйлестірушісі Дина Тұрғынбайқызы және ресурстық жастар денсаулық орталығының жетекшісі Шолпан Естемісқызы жиында суицидтің алдын- алу және оны қалай анықтау керек, жастардың, жасөспірімдердің психикалық денсаулық мәселесі бойынша өз тәжірибесімен бөлісті. Қалалық психикалық денсаулық орталығының директоры Сапар Рахменшеев психиатриялық саладағы жаңалықтар, жетістіктер , емдеудің жаңа тәсілдері жайында әңгімелеп, психологтардың сұрақтарына жауап берді.
Жиында «Aq Jol» жастар денсаулық орталығының психологы Лавров Антон Валерьевич суицидтік қауіп факторлары жайында дәріс оқыды. Психодиагностикалық құралдар, сондай-ақ депрессия белгілері, суицидтік ниеті және басқа да жағдайлары бар науқастармен жұмыс істеу алгоритмі мәселелері қамтылды.
Алматы қалалық 7 емханада өткен бұл кездесуде жас мамандар кәсіби біліктілігін арттырып, тәжірибе жинау үшін Психикалық денсаулық орталығында оқуға жолдама алды. Жылына мыңдаған науқасты емдейтін ірі клиникада тәжірибе жинау және әріптестік қарым-қатынасты нығайту жас психологтар үшін ерекше мүмкіндік.
-Екі тараптың мақсаты қала тұрғындарына психикалық көмек көрсету. Біздің орталықта осы саланың жілігін шағып, майын ішкен психологтар, психиатрлар және психотерапевтер күн сайын жүздеген адамға психологиялық, медициналық көмек көрсетеді. Жас мамандар дәл осындай тәжірибеде шыңдалады деп ойлаймын. Әрі бұл ортақ мәмле қаламыздың психиатриялық қызметтің сапасын одан әрі жақсартуға септігін тигізеді,- орталықтың директоры Сапар Рахменшеев .

WhatsApp Image 2022-10-11 at 19.33.49.jpeg

Подробности: Просмотров: 619

WhatsApp Image 2022-10-10 at 20.44.51.jpeg

Алматы қалалық психикалық денсаулық орталығында 8 қазанда өткен ашық есік күніне 52 қала тұрғыны және қонақтар келді. Олардың басым бөлігі компьютерлік томографияның зерттеуінен өтіп, невропалотог пен психологтың көмегіне жүгінген.

Дүниежүзілік психикалық денсаулық күніне орай өткен ашық есік күні ресейлік азаматтар да орталыққа келіп, бірнеше зерттеулерден өтті. Бұл күні КТ, УДЗ, ЭКГ зерттеулердің қызметін 30 адам пайдаланды.
Сонымен бірге орталықтың ересектер мен балалар-жасөспірімдер диспансері бөлімдері мен амбулаториялық-емхана мамандары қала тұрғындарына қашықтан кеңес берді. Онлайн арқылы кеңес беру қызметі Алматының 8 ауданында ұйымдастырылды.

Мамандар Дүниежүзілік психикалық денсаулық күні психикалық денсаулық саласының мәселелерін талқылап , жұртшылықты қажетті ақпарат, мағлұматтармен қамтамасыз етті . Ашық есік күніне келген тұрғындардың барлық сұрақтары елеусіз қалған жоқ.
Сонымен бірге орталықта сенім телефондары жұмыс істейді. Психологтар күні-түні республика тұрғындарына кеңес береді. Тәулігіне үздіксіз қоңырау шалып, психологиялық көмек сұрағандардың басым бөлігі ойынқұмарлықтан және несиені үйіп алып, қарызы қордаланып, күйзелістен қажығандар . Бұдан басқа телефон тұтқасын күзеткен клиникалық психологтар биыл өз өміріне қастандық жасауға талпынған жандарды да райынан қайтарған.
Алматы қалалық психикалық денсаулық орталығы әрқашан тұрғындарға сапалы және қолжетімді қызмет көрсетуге дайын. Сондықтан психикалық ауруларды асқындырмай, дәрігерге баруға асығыңыз.

WhatsApp Image 2022-10-10 at 20.44.52.jpeg

Подробности: Просмотров: 194

WhatsApp Image 2022-10-04 at 15.46.36.jpeg

Бүгін Алматы қалалық психикалық денсаулық орталығындағы қысқы бақта қарияларға арналған кездесу өтті. Өткен ғасырдың 80-90 жылдары еліміздің наркология, психиатрия саласында еңбек еткен Анна Карпуника, Александр Губин, Галина Пастухова, Айтбүбі Қырықбаева, Галина Михайлюкова және тағы басқа ардагерлер қонаққа келді. Орталықтың директоры Сапар Рахменшеев психикалық денсаулық орталығының дамуына үлес қосқан зейнеткерлерге алғыс айтып, сыйлық тарту етті.
- Сіздерді бүгін қысқы баққа әдейі шақырдық. Бұрын -соңды осы мекемеде болмаған бақта түрлі өсімдіктер жайқалып тұр. Сіздер өткен ғасырдағы тоқырау жылдары , еліміздің экономикалық жағдайы өте қиын кезеңде орталыққа еңбек сіңіріп, жас мамандармен тәжірибелеріңізді бөлісіп, талай науқастың алғысын алған ардагерсіздер. Сіздерге мықты денсаулық және отбасыларыңызға бақ, береке тілеймін, - деді орталық директоры Сапар Рахменшеев .
Бүгінгі кездесуге орталықтың медицина саласына және техникалық , шаруашылық бөлімінде қызмет еткен мамандар да келді. Қариялар орталықта еңбек жолындағы ең қызықты оқиғалармен бөлісті.

Алматы қалалық психикалық денсаулық орталығының баспасөз қызметі.

WhatsApp Image 2022-10-04 at 15.41.38.jpeg

Подробности: Просмотров: 258

«АМАNАТ» партиясының Бостандық аудандық ҚПК филиалының мүшелерімен бірлесіп құрылыс-жөндеу жұмыстары жүріп жатқан қаланың әлеуметтік-маңызды объектілеріне жүргізілген тексеру барысында, партияның бағдарламасын жүзеге асыруға, сондай-ақ мемлекеттік бағдарламалар мен жобаларға бөлінген қаржылардың мақсатты пайдаланылуын тұрақты тексеруді ұйымдастыру үшін, біз, партия мүшелері №9 мектеп-интернатта ПББ-Партия Бақылауының Бекетін аштық. Бұл Бекетте объектінің құрылыс жұмыстары жүргізілуде, тексеру барысында құрылыс жұмыстарының сапасы мен мерзімі жөнінде көптеген мәселелер анықталды, осыған байланысты, ҚПК №9 мектеп-интернатты, сондай-ақ объектінің жұмыстарының бітуін және қолданысқа берілуін бақылауға алғанын айтқым келеді.

Совместно с членами КПК Бостандыкского районного филиала партии «AMANAT» в ходе проверок социально - значимых объектов города, в которых идут строительно - ремонтные работы, для ообеспечения постоянного контроля за целевым использованием денежных средств, выделенных на реализацию программ партии, а также государственных программ и проектов, мы, члены ППК открыли Пост Партийного Контроля в Школе интернат № 9. На данном Посту ведутся строительные работы объекта, в ходе проверки выявлены много вопросов по качеству и срокам строительства, в связи с этим хочу сказать, что Школа интернат № 9 взята под контроль КПК, и в дальнейшем будем вести объект до окончания и сдачи ее в эксплуатацию.

WhatsApp Image 2022-08-10 at 12.23.57.jpeg