- Подробности
- Просмотров: 377
Бүгін Алматыда «Төтенше жағдай кезінде психологиялық көмек көрсету» атты семинар өтті. Алматы қалалық психикалық сауықтыру орталығы ұйымдастырған басқосуға Алматы қаласы төтенше жағдайлар департаментінің психологы, Бостандық аудандық төтенше жағдайлар басқармасының мамандары және емханалардың психологтары қатысты.
- Төтенше оқиға кезінде кез-келген адам өз өмірін құтқару үшін жанталасады. Дегенмен тұрғындарды сабырлық сақтауға шақырамын. Әрі мұндай дүрлігу өзіңізді құтқаруға кедергі жасайтынын ескеріңіз. Себебі , төтенше жағдай кезінде сабыр сақтап, ақыл таразысына салып, барынша өзіңізді және отбасыңыздың қауіпсіздігін қамтамасыз етуге күш жұмсау керек. Бүгінгі семинарды ұйымдастыруға медициналық ұйымдарда жұмыс істейтін психологтардың психологиялық реакцияларға жедел талдау жасап, жеке тұлғаның есін жиып, сол жағдайға бейімделу мүмкіндіктерін арттыруға, пайда болған шекаралық жүйке-психикалық бұзылулардың психотерапиясына көмектесуге машықтандыру,- дейді орталықтың директоры Сапар Рахменшеев.
Орталықтың кафедра меңгерушісі, профессор С. Ешімбетова болашақ психологтарды төтенше жағдай кезінде зардап шеккендермен жұмыс істеуге бейімдеп, еріктілер тобын құру туралы ұсыныс айтты. Сонымен бірге дағдарысқа ұшыраған адамға қалай көмектесудің әдістерімен бөлісті.
- Кім екеніңізді және қандай функцияларды орындайтыныңызды нақты айтыңыз. Көмекке мұқтаж адамдардың аттарын біліңіз. Зардап шеккендерге көмек жақын арада келетінін, сіз оған қамқорлық жасайтыныңызды айтыңыз. Жәбірленушінің қолын ұстаңыз немесе иығынан сипаңыз. Басыңызға немесе дененің басқа бөліктеріне қол тигізуге болмайды. Зардап шеккен адаммен бірдей деңгейде позицияны ұстаңыз. Зардап шеккен адамға арқаңызбен бұрылмаңыз,- деп орталықтың кафедра меңгерушісі, профессор С. Ешімбетова бойын үрей билеп, паниканың жетегінде есінен айырылғанда әрекет етудің амалдарымен бөлісті.
Семинарда мамандар төтенше жағдай кезінде үрейдің қауіптілігі, қателіктерге жол бермеудің амалдарын айтып, психологиялық көмекті ұйымдастырудың тетіктерін айтты.
- Подробности
- Просмотров: 694
Бүгін Алматы қалалық психикалық сауықтыру орталығының балалар бөліміне 20 жыл толды. Кішкентай науқастарға арналған аурухана 60 төсектік орынмен жабдықталды.
Балалар бөлімі 2003 жылы 4 қарашада психикалық ауруға шалдыққан кәмелет жасқа толмағандарды қабылдап, тәулік бойы емдеу шараларына кірісті. Жанна Худаир бөлімнің тұңғыш меңгерушісі болып тағайындалады.
-Мені жаңа ашылған бөлімді басқаруға шақырды. Ол кезде қалада балалар бөлімін ашу қажеттілігі туындады. Психикалық ауруға шалдыққан балаларды стационарға жатқызып емдеу, тәулік бойы бақылау көзделді. Көбінесе мінез-құлқында ауытқушылық, психикалық бұзылыстардың аспектілері, шизофренияның алғашқы белгілері анықталған жасөспірімдерді қабылдадық. Себебі, оларды есепке алу ,нақты диагнозын білу үшін тәулік бойы бақылау керек. Бұл біздің клиникалық құралымыздың бірі,- дейді Жанна Рафкатқызы.
Жанна Худаир қазір Алматы облыстық психикалық денсаулық орталығының директоры. Бүгінгі тарихи күн психиатрлар мен психологтар кішкентай науқастарға қонаққа келді.
Стационарлық бөлім мамандарға ақыл-есінің кемістігі, аутизм және шизофренияға шалдыққан алматылық науқастарды тәулік бойы денсаулығын қадағалап, психикалық кеселдің ерекшеліктерін бақылап, сапалы емдеуге мүмкіндік берді. Қазіргі таңда балалар бөлімінде 35 төсек бар. Бөлім балалардың ақыл -ойының, мидың қызметін жақсартуға, дамытуға арналған құралдармен жабдықталған. Осы бөлімнің меңгерушісі Ольга Александрованың айтуынша соңғы жылдары гаджетке тәуелді балалар психологиялық көмекке жиі жүгінеді.
Қазір бөлімде 35 төсектік орын бар. Науқастарға медициналық, психологиялық көмекпен бірге әлеуметтік мәселелері мен құқықтық қолдаубар көрсетіледі.
Орталықтың директоры Сапар Рахменшеев осы бөлімнің ашылуына үлес қосқан мамандарды құттықтап, марапаттады. ИАлматы облыстық психикалық денсаулық орталығының директоры Жанна Рафхатқызы «Құрмет» орденімен марапатталды.
- Подробности
- Просмотров: 747
Алматылық бастауыш сынып оқушыларының 35% тәулігіне 1-2 сағат гаджетке телміреді. Осы жастағы балалардың 33% ғаламторда анағұрлым көп уақыт байланып қалса, 9% гаджетке мүлдем қарамайды. Ал 13-15 жастағы жасөпірімдердің 69% күндіз-түні 2 немесе одан көп уақыт виртуалды әлемге сүңгіп кетеді.
Бүгін Дүниежүзілік психикалық денсаулық күні «Балалар мен жасөспірімдер арасындағы гаджеттерге тәуелділіктің алдын-алу шаралары» атты оқу-әдістемелік құрал жарық көрді. Оқу - әдістемелік құралда Алматы қалалық психикалық сауықтыру орталығы қызметкерлерінің қала мектептеріндегі балалар мен жасөспірімдердің гаджетке тәуелділігін зерттеу нәтижелерінің қорытындысы жарияланған. Орталықтың директоры Сапар Рахменшеевтің айтуынша қаланың білім ордаларында оқитын 6-18 жас аралығындағы 3300 оқушы қатысқан. Олардың 1664 (50,4%) қыздар, 1636 (49,5%) ұлдар.
- Мұндай нұсқаулық қазақ тілінде бірінші мәрте жарық көрді . Негізі қазақ , орыс тілінде шықты. Мектептегі ұстаздарға, ата-аналарға арналған. Жалпы балалардағы тәуелділіктің қай деңгейді болып жатқанын анықтауға, тәуелділікті анықтау кезінде қандай сұрақтар қою керек, қалай көмек беру керектігі жайында мағлұматтар бар. Зерттеу жұмысы 2022-2023 жылдары Алматы қаласының жалпы білім беретін мектептерінің басшылары, ата-аналарының келісімен сауалнама әдісі бойынша жүргізілді. Гаджетке тәуелді баланың ойынқұмарлықтың құлына айналуы бір қадам. Бұл дертпен күресу үшін алдымен құмар ойынға үгіттейтін жарнамаларды тоқтату керек, -дейді Сапар Рахменшеев.
Мамандардың зерттеу нәтижесінде балалар, жасөспірімдердің бойындағы гаджетке тәуелділіктің белгілері ,себептері анықталған. Шынайы өмірге қанағаттанбау, жақын адамдарымен тіл табыса алмау, қатым-қатынасы нашарлау, жақындарының мінез-құлқындағы өзгерістерді байқаған кезде тұйықталуы, сескенген жасөспірімдердің серігі ғаламтордағы әлем болып тұр. Бұл Алматы қалалық психикалық сауықтыру орталығы, Алматы қалалық білім басқармасы және Қазақстан-Ресей медициналық университетінің бірлескен жоасы.
Бүгін дүниежүзілік денсаулық күні орталықта ашық есік күні өтті., Қала жұртшылығына психологтар, психиатрлар, терапевтер ,невропотологтар тегін медициналық,психологиялық кеңес берді.
- Подробности
- Просмотров: 647
ХАБАРЛАМА
10.10.2023 жылы ШЖҚ КМК «Психикалық сауықтыру орталығында» сағат 08.00-ден 17.00-ге дейін ашық есік күні өткізіледі. Сіздер дәрігер-психиатр, терапевт, невропатолог, психолог мамандарға тексеріле аласыздар.
ӘКІМШІЛІК
- Подробности
- Просмотров: 541
Биыл Алматыда суицид жасауға әрекет қылған немесе өмірін қиған оқиғалар азайды. Алматы қалалық психикалық сауықтыру орталығының директоры Сапар Рахменшеев « Дүниежүзілік суицидтің алдын-алу күніне» орай өткен шарада айтты. Қаланың бас психиатры Алматы қалалық сауықтыру орталығы және бірнеше мекемелердің бірлесіп , жасөспірімдерге, ата-аналарға , ұстаздарға жиі жиындар, тренингтер ұйымдастыру, тәулік бойы жұмыс істейтін сенім телефондары мен жастар орталықтарының үздіксіз еңбек етуінің нәтижесі деді.
-Суицид өзекті мәселе. Дегенмен өзіне қол жұмсау туралы ой пайда болған немесе өмірімен қоштасуға бекінген адамды райынан қайтаруға болады. Күйзеліс шырмауында жүрген адамдар жақынына , досына шерін тарқатады, айтады. Бірақ олардың көмегі оның өзіне қол жұмсау туралы ойына әсер етпейді. Өзгертпе йді. Тығырыққа тіреледі. Мұндай жағдайға душар болған жандарға біздің орталықтың есігі әрқашан ашық,- дейді Сапар Рахменшеев.
Бүгін қалалық психикалық сауықтыру орталығы мен жастар орталығы мамандары суицидтің алдын—алудың жолдарын талқылады. Флешмоб өткізді.
Бүгінгі шараға ұзақ уақыт бойы психологтар емдеп, суицид жасаймын деген ойдан арылған науқастар да қатысты. Айзере 22 жаста. Бойжеткен өзінің қиын-қыстау кезде суицид жасау туралы райынан қайтаруға ықпал еткен дәрігерлерге алғыс айтты.
-Он жасымда туған ағамның азғындығына шыдай алмай бесінші қабаттан секіріп кетуге бекіндім. Ол мені жыныстық қатынасқа мәжбүрледі. Өзінің арсыз әрекетін жарты жыл бойы жалғастырды. Бір күні ата-анама айтамын деген аузымнан сөз шығып кетіп, одан қатты таяқ жедім. Әкем күнде арақ ішіп, анамды ұрады. Ата-анам мұғалім. Әкем түнде есігімді сындырып, ұйықтап жатқан бөлмеме кірді. Мен сол кезде бұл азаптан құтылудың жолы суицид жасау деп ойладым. Ұйықтағанда жанымда пышақ алып жату әдетке айналды. Мектепті бітіремін. Тағы күйзеліске түстім. Жуыну, киім ауыстыруға , тіпті өмір сүруге зауқым болмай қалды. Сол кезде жастар орталығына келдім. Олар менің мұңымды тыңдап, психикалық сауықтыру орталығына жолдама берді. Бір жылдан бері психологқа келіп кеңес, дәрілерімді алып кетемін. Орталық мені ажалдан құтқарды. Қазір ол жайында ойламаймын,-дейді бойжеткен.
10 қыркүйекте Дүниежүзілік суицидке қарсы күрес күні. Дүниежүзілік денсаулық сақтау ұйымының мәліметіне сенсек, жыл сайын 700 000 астам адам өз қалауымен өмірімен қоштасады. Миллионға жуық жер шарының тұрғындары суицид жасауға оқталады. Мамандар көбінесе адамдарды жарық дүниеден баз кешіп, өзіне қиянат жасауға отбасындағы кикілжіңдер, денсаулығының күрт нашарлауы немесе емі жоқ кеселге шалдығу, жұмыс барысында туындаған проблемалар, психикалық ауытқудың пайда болуы түрткі болады дейді.
Алматы қалалық психикалық сауықтыру орталығының баспасөз қызметі
