Подробности: Просмотров: 1553

Алматыда күн сайын 500-700 тұрғын наркологиялық анықтама алады . Қалалық наркологиялық медициналық -әлеуметтік түзету орталығының анықтама беретін терезесі алдынан күні бойы кісі үзілмейді. Алматы қаласы ғана емес , өзге өңірдің тұрғындарына осы жерден анықтама алуға мүмкіндік бар. Себебі, Орталықтың анықтама беретін базасында еліміздің түкпір-түкпірінен жиналған, яғни Республикалық ақпаратпен қамтамасыз етілген. Тұрғылықты мекен –жәйіне шапқыламай осы жерден анықтама алған кез-келген отандасымыз үшін өте қолайлы. Анықтама - Наркологиялық есепте бар-жоғы туралы мәлімет беретін құжат. Талапкерлер , әскери кафедра мамандары, банктің сұранысы бойынша және ауруханада порталға тіркелу мақсатында, әскерге шақырылған азаматтар тарапынан сұраныс артқан. Анықтама ақылы.

Енді кімдерге анықтама тегін беріледі?

Ұлы Отан соғысының ардагерлері, 1 және 2 топтағы мүгедектер, әскер қатарына шақырылғандар және кәмелеттік жасқа толмаған жеткіншектер анықтама ақысыз алады. Тек орталыққа келгенде жеке куәлігін және жеңілдікке рұқсат беретін құжаттарын көрсетуі керек.

Қарлығаш Акшалова Алматы қалалық наркологиялық медициналық -әлеуметтік орталықтың анықтама беретін кабинеттің маманы, медбике. Оның айтуынша Наркологиялық орталыққа сенімді өкілін жіберіп, анықтама алуға болады.

- Ол үшін анықтама алушы басқа біреуге сенім хат тағайындап, оны нотариуста куәландыруы керек. Әрі анықтама алатын адам наркологиялық есепте тұрмауы керек. Есепте тұратынымды білмедім деп, сенімді өкілін әуре-сарсаңға салатындар да болады, - деп күледі Қарлығаш Акшалова.

Маскүнем немесе нашақор деген сөз құлаққа жағымсыз естіледі. Есепте тұрған адамның жұмысқа орналасуына да кейде тұсау болып жатады. Әрине қара тізімнен құтылудың жолы біреу ғана. Ол үшін алкогольді сусындар мен есірткіден бас тартып, тәуелділік дертінен емделу керек. Алматы қалалық наркологиялық орталықтың маманы Қарлығаш Акшалованың айтуынша үш жыл бойы ащы су, 5 жыл бойы есірткіден бойын аулақ ұстаған адам ғана наркологиялық есептен шығарылады. Бұған қоса нарколог дәрігер емделушіге кеселден айыққанын дәлелдейтін анықтама береді. Ал көлік жүргізуге рұқсат беріле ме, ол жағын психолог, невропотолог және дәрігер наркологтан құралған комиссия зертханалық сараптама қорытындысына сүйеніп, шешім қабылдайды.

Наркологиялық орталық мамандарының айтуынша Алматыда 7500-ге жуық адам наркологиялық есепте тұр.

Подробности: Просмотров: 819

2017 жылдың 16-маусымында Алматы қалалық наркологиялық орталықта «Медицина қызметкерлері күніне» арналған салтанатты жиын өтті. Кәсіби мереке қарсаңында еліміздің медицина саласына қосқан үлесі , адам денсаулығын, өмірін сақтап қалу үшін орасан зор еңбек сіңірген үздік дәрігерлер , мейірбикелер марапатталды.

Алматы қалалық наркологиялық медициналық –әлеуметтік түзету орталығының бас дәрігері Гүлсара Сүлейменова барлық қызметкерлерді кәсіби мерекесімен құттықтап, құрмет грамоталарын , ҚР Денсаулық сақтау саласының үздігі төсбелгісін табыстады.

Орталықтың Бас дәрігерінің емдеу жөніндегі орынбасары Гүлмира Әбдібаева және Бас дәрігердің мейірбикелер ісі жөніндегі Шолпан Шайымова ҚР Денсаулық сақтау саласының үздігі төсбелгісімен марапатталды.

Қабылдау бөлімінің меңгерушісі Айгүл Әбдікерова «Медицина саласының үздігі» деген құрметті атаққа ие болды. Денсаулық сақтау министрлігінің құрмет грамотасы емхананың дәрігер наркологы Найля Булинаға берілді. Орталықтың мәжбүрлі түрде емдейтін №7 бөлімшесінің медбикесі Бахыт Тұрғынбаева «Мейірім» медалін кеудесіне тақты. Сондай-ақ Қалалық денсаулық сақтау басқармасының алғыс хатын бөлім меңгеруші Қ. Қожакенов, Қ. Ақшалова , А. Қошиева, Ұ. Әбдіқадырова ,А. Нұржауова ,Т . Иманбекова алды. Кәсіби мереке қарсаңында Қалалық наркологиялық медициналық –әлеуметтік түзету орталығының мамандарына «Нұротан» ХДП мен «Медик» кәсіподақ комитеті құрмет грамоталарын , сыйлықтар тарту етті. Өнерпаз оқушылар би мен әннен шашу шашып, салтанатты жиынның көрігін қыздырды.

Подробности: Просмотров: 869

Биыл 4-5 мамырда Қалалық наркологиялық медико-әлеуметтік сауықтыру орталығында Отан қорғаушылар және Ұлы Жеңіс күніне орай салтанатты жиын өтті. Орталықтың бас дәрігері Гүлсара Сүлейменова барлық ер азаматтарды және тыл еңбеккерлерін келе жатқан мерекесімен құттықтады.

Подробнее...

Подробности: Просмотров: 710

05.05.2017ж. сағат 11.00 де «ҚДӘСНО» мүмкіндігі шектеулі жандарға арналған бос орындар жәрмеңкесі өтеді. Кадр бөліміне хабарласа аласыздар. т/н 382-36-01

Подробности: Просмотров: 891

ҚНМӘСО қызметкерлері сел қаупіне дайындық шарасына қатысты.

Алматы қалалық наркологиялық медико-әлеуметтік сауықтыру орталығында сел қаупі туындаған жағдайда әрекет етуге үйрететін оқу-жаттығу өтті. 2017 жылдың 20- сәуірінде өткен шара әкімшілік құрамын, медицина қызметкерлері мен жұмысшылардың және орталықтағы Төтенше жағдай қызметінің тәжірибесін , әрекет ету кезіндегі біліктілігін тексеруге мүмкіндік берді. Оқу-жаттығудың басты мақсаты - төтенше жағдай кезінде орталық қызметкерлерінің адамдарды ғимараттан қауіпсіз жерге көшіруге ептілігін шыңдау.

Подробнее...